Bo Nadal e Feliz Aninovo

 

GASEOSAS DE GALICIA PRESENTE NA REVISTA CELCE

Fai uns días recibimos dous exemplares da Revista Celce Magazin onde se fai unha análise da nosa obra editorial "Apuntes sobre la gaseosa en la provincia de A Coruña" centrándose nos datos aportados no ámbito da cervexa.

O artículo titulado "Libros con cerveza y gaseosa" consta de dúas páxinas na Revista de Coleccionismo e Cultura Cervecera editada polo Club Español de Coleccionismo Cervecero - CELCE.

A relación entre a cervexa e as bebidas carbónicas foi moi corrente no seu momento, compartindo tanto a súa fabricación como a súa distribución, polo que moitos datos comúns enriquecen tanto aos amantes da gaseosa como aos da cervexa.

Da man do Catedrático de Xeogarfía e Historia C.P.F.P.A Orihuela, Luís Javier Calvo Angulo, secretario e habitual colaborador de Celce Magazine, desmenuza detalles do pasado cervexeiro coruñés.

Dende Gaseosas de Galicia queremos agradecer a difusión dada ao noso traballo nun medio de gran prestixio a nivel nacional. Tamén queremos agradecer especialmente a Luís Javier por facelo dun xeito tan apropiado.

GRACIAS POR VISITARNOS

Encadrado dentro do programa da XLII Festa da Pataca de Coristanco (A Coruña), os días 14 e 15 de setembro estivo aberta ao público a exposición Gaseosas de Galicia.

Dende Gaseosas de Galicia queremos dar as gracias a todas aquelas persoas que se achegaron a visitar a mostra.

A xornada do sábado destacou pola visita de veciños e amigos ademais da visita institucional encabezada polo Conselleiro de Facenda e Administración Pública, Miguel Corgos López-Prado, tendo como anfitrión o Alcalde de Coristanco, Juan Carlos García Pose.

Comitiva visita institucional

Na comitiva tamén estaba o deputado Rubén Lorenzo, o Alcalde de Malpica de Bergantiños Eduardo Parga, o director do Centro de Promoción Rural - EFA Fonteboa Luís García e o director de Bonilla a la Vista Fernando Bonilla entre outros.

Tanto o Conselleiro como os seus acompañantes amosaron grande interese pola exposición e percorreron esta na súa totalidade.

Na xornada do domingo, día grande da festa, visitáronnos dende o mesmo momento da apertura gran número de persoas chegadas de moitos lugares. Ata tivemos a sorte de ter a presenza dunha familia de orixe francesa que foi guiada na súa lingua natal polo colaborador Lois Villar.  

Curuncho adicado á Festa da Pataca no interior da exposición

Foi tal a afluencia de xente que nas dúas xornadas tivemos que ampliar horarios para tentar atender a demanda de visitantes.

Moitas gracias pola boa acollida da exposición e polo interese amosado cara o mundo da burbulla.

GASEOSAS DE GALICIA NA FESTA DA PATACA

Os vindeiros días 14 e 15 de setembro celebarase a XLII edición da Festa da Pataca no Concello de Coristanco (A Coruña).

Dentro dos actos culturais organizados, Gaseosas de Galicia participará abrindo as portas da exposición de envases e outros obxectos relacionados co mundo da burbulla.

Todas aquelas persoas interesadas están convidadas a visitar a exposición na rúa da Charrúa, 26 (ao fronte da Tasca A Pataca pola rúa Charrúa) os días 14 e 15 en horario de 11 a 14 horas.

Dende Gaseosas de Galicia estaremos encantados de recibirvos e esperamos que poidades desfrutar da exposición.

PAISAXE GASOSA - UNHA VIAXE POLOS DESEÑOS DAS BOTELLAS DE GASOSA

A principios de ano púxose en contacto con Gaseosas de Galicia o deseñador, ilustrador e escritor galego Xosé María Pérez Barro, máis coñecido por Pepe Barro.

Fai un tempo que Pepe publica artigos sobre deseño e comunicación visual unha vez ao mes no semanario de comunicación xeral de ámbito galego Sermos, o suplemento de Nós diario.

O pasado día 2 de febreiro saiu á luz este bonito artigo sobre as botellas de gaseosa dende o punto do deseño gráfico coa colaboración de Gaseosas de Galicia.

Gracias Pepe polo interese mostrado a prol do noso traballo.

UNHA PROPOSICIÓN MOI DECENTE VISITA GASEOSAS DE GALICIA

E para comezar o ano Gaseosas de Galicia achega a visita que fixo Breogán Riveiro a Coristanco co seu programa Unha proposición moi decente sobre coleccionismo da Televisión de Galicia.

“O coleccionismo pode semellar unha actividade solitaria, pero neste capítulo descubriremos  que pode ser participativa e moi social. Para iso, achegarémonos a coñecer dúas coleccións curiosas e moi diferentes, unha de gasosas en Coristanco e outra de xoguetes en Ponteceso, e coñeceremos aos seus singulares creadores”

Breogán Riveiro

Ligazón ao programa completo