COÑECE A NOSA EXPOSICIÓN GASEOSAS DE GALICIA

Bo Nadal e Feliz Aninovo

GAYOSO CON GASEOSAS DE GALICIA

Despois de asisitir ao programa Luar na Radio Televisión de Galicia recibimos este bonito recordo por parte do seu presentador Xosé Ramón Gayoso. Moitas gracias!!

GASEOSAS DE GALICIA NO LUAR

O pasado venres 26 de xuño, Gaseosas de Galicia foi invitado en directo ao Programa da Televisión de Galicia Luar para dar difusión ao mundo da burbulla galega.

A entrevista pódese ver no enlace insertado dende o minuto 46' 30'' ata o 58' 30''.

http://www.crtvg.es/tvg/a-carta/con-camela-e-boyanka-kostova-4463481

A ASOCIACIÓN NA RADIO

Onte á tarde a asociación tivo a sorte de ser invitada a "Recendo", magazine cultural radiofónico da Agrupación Cultural Alexandre Bóveda,  que se emite todos os martes de 19 a 20 horas dende a emisora de radio comunitaria CUAC FM, vinculada á Universidade da Coruña. O tema do espazo foi sobre o noso proxecto de Gaseosas de Galicia. Podedes escoitalo a partires do minuto 40 no enlace da parte inferior.

Información facilitada polo programa:

Programa número 346, no que fixemos dúas entrevistas telefónicas sobre temas variados:

- Xaquín Marín, debuxante e ilustrador

- Juan Carlos Villar Angeriz, presidente da Asociación Gaseosas de Galicia

Enlace: https://cuacfm.org/radioco/programmes/recendo/11x17/

Bo Nadal e Feliz Aninovo

VISIBILIDADE A NIVEL AUTONÓMICO

O pasado día 24 de novembro, La Voz de Galicia, no seu suplemento dominical de gastronomía e viños HUM! fíxose eco do noso proxecto. Queremos agradecer a Susana Acosta o interese amosado polo noso traballo e pola oportunidade de ser visibles neste suplemento a nivel autonómico.

COLABORACIÓN COA PRENSA LOCAL - LA VOZ DE GALICIA

Bonito artículo de Nuria Guillermo na sección local Bergantiños - Soneira - Fisterra de La Voz de Galicia. No mesmo a asociación sen ánimo de lucro Gaseosas de Galicia colaborou facilitando información e contactos para a difusión do mundo da burbulla.

COLABORACIÓN CO SEMANARIO SERMOS GALIZA

GASESOSAS DO PAÍS

Galiza e a industria da burbulla

Raquel C. Pérez -   25 setembro 2019

Enviar a un amigo

Plácido Lado Bujeiro, “Santos” (primeiro á dereita, anos 60), de Cee, aproveitaba as viaxes no coche para entregar as súas gasosas “La Exquisita”. Cedida pola familia Santos de Sardiñeiro (Fisterra) ao arquivo de Gaseosas de Galicia.                                 

                           

En cada recuncho, unha fábrica de gasosas. Así foi Galiza na década dos 60, cando unha puxante industria desta bebida viviu o seu punto álxido. Os gustos de cada quen identificaban a súa procedencia, grazas ás marcas de denominación local. “Troncoso”, “Feijoo” ou “A Nosa” tiveron espazo privilexiado nas casas, nos bares e nas festas. Antes da Coca-Cola bebeuse a “gasosa escura”, e as “oranges” precederon a Fanta. Sermos Galiza fai un repaso da historia da industria da burbulla, dende os seus comezos a finais do século XIX até que picou cen anos despois. Eis un extracto da información publicada ao respecto no número 364 do semanario en papel Sermos Galiza.

   

O xornalista Santiago Garrido afirmou nun chío que Galiza, definitivamente, “foi un planeta gasoso”. Unha enquisa breve, de pouco valor estatístico, coa pregunta “que gasosas galegas se bebían na casa?” devolve as seguintes respostas: “Troncoso de toda a vida!” en Ourense, “A Revoltosa” en Padrón, “Espiña, Feijoo e A Nosa” en Negreira e “sempre Pitusa!” por Rois. Dende Palmeira conta Carmen que cando vivía en San Pedro, a súa aldea natal, tomaba as gasosas “Abelleira”, fabricadas en Ribeira. Logo de deixar o fogar familiar, na súa actual casa pasouse a “Teimar”, marca local. Hoxe confórmase coa gasosa do supermercado, “Teimar” e “Abelleira” hai tempo que pecharon a billa e as portas.

Nos 60 Galiza viviu o apoxeo da industria da burbulla, cuxo percorrido  comezara o século anterior. Bares e fogares afiliáronse a esta bebida refrescante, empregada moitas veces para alixeirar o viño da casa. Preguntar a alguén pola súa gasosa de cabeceira podía ser tan indicativo da súa procedencia como inquirir “e ti, de quen vés sendo?”. A maior parte das marcas locais desapareceron; outras, como “Feijoo” e “A Nosa”, resisten á beira de “La Casera”. Dan fe dende Cuntis, onde algunha casa conserva o frigorífico ateigado de pequenas botellas da “Feijoo”. Na Galiza hai quen, teimudo e entusiasta, reivindica pór en valor ese anaco do patrimonio industrial galego.

“Hoxe bebemos Kas ou Fanta, pero iso xa o facían nas aldeas, eran as gasosas de sabores”, expón Juan C. Villar

En Coristanco, a asociación Gaseosas de Galicia, presidida por Juan Carlos Villar, custodia unha colección de botellas de gasosa procedentes de todo o país. El leva dende o 2005 investigando a industria, chegando a catalogar até  600 fabricantes únicos no país. Comeza o seu relato a Sermos Galiza remontándose aos primeiros produtores: “Os primeirísimos, de 1870, eran xente rica que non vivía só da gasosa”.

Os primeirísimos

O xornal El Correo Gallego anunciaba, en 1881, o “premio á Fábrica de Auga de Seltz e Gasosa nas exposicións de Pontevedra e Lugo”. A bebida desta factoría era á vez “unha medicina para as enfermidades biliosas, o escorbuto” e “refrixerante e diurética”.

A nota recomendaba mesturala con viño: “Daralle un gusto particular que a fai agradábel, excita a xovialidade e mantén a intelixencia pura e sa”. En 1897 un xornal compostelán anunciaba a “magnífica instalación para gasosas” que don Constantino Nogueira levara a cabo no “elegante” café Iberia.

Ambas notas exemplifican o status da gasosa no país o pasado século: bebida medicinal e de consumo nos cafés das clases máis adiñeiradas. A primeira fábrica de gasosas do país abriu as súas portas en Santiago de Compostela en 1874. En 1880 fixo o propio Gaseosas  Suárez, unha das primeiras factorías en instalarse no polígono do Tambre. “Na Coruña, as primeiras fábricas abríronas persoas estranxeiras: un francés, un alemán, un italiano”, conta Villar. O consumo era reducido: “Xunto ao crecemento do ocio chegan estas bebidas. Na Coruña, o quiosco Alfonso contaba cunha máquina propia para abastecer a clientela, que pertencía a esa clase burguesa que despuntaba. En Vigo tamén se instalaron varias”.

A receita da gasosa, a maiores da auga con ácido carbónico, comezou a incluír esencias de sabores. Un anuncio do xornal El Áncora, diario católico de Pontevedra de 1901, promocionaba as bebidas da Fábrica de Gasosas de Saturnino Paz Martínez, sabor amorodo, laranxa, piña, framboesa ou grosella “a sete reais a ducia”. As fábricas estaban tamén ligadas á produción de xeo ou de cervexa. “Contáronme que cando Estrella Galicia comezou non tiña capacidade de distribución, eran os gasoseiros quen a facían nos seus camións”, di Villar. 

[Podes ler a peza íntegra no número 364 do semanario en papel Sermos Galiza, á venda na loxa e nos quiosques]

https://www.sermosgaliza.gal/articulo/social/galiza-industria-da-burbulla/20190918124403084150.html

APOIO DA DEPUTACIÓN DA CORUÑA

Un ano máis contamos  coa confianza da Deputación da Coruña para apoiar o noso proxecto para a promoción, conservación e recuperación da historia da fabricación das bebidas gaseosas na provincia de A Coruña.

Co programa "Recuperación do patrimonio industrial e divulgación da historia da fabricación de bebidas gaseosas na provincia de A Coruña dende o século XIX ata a década dos anos 80 (enfoque etnográfico e etnolóxico)" faremos todo o posible para recuperar este patrimonio esquecido.

Bo Nadal e Feliz Aninovo